Tiranë, 31 mars NOA - Gruaja e Kosta Trebickës, kërkon nga gjykata të drejtën për të administruar pasurinë e djalit të saj 11 vjeç.
Brunilda Trebicka i është drejtuar sot Gjykatës së Rrethit të Tiranës me një kërkesë, ku kërkon prej saj të drejtën për administruar pasurinë e djalit të saj vetëm, 11 vjeç, deri kur ai të arrijë moshën madhore.
E veja e Trebickës nuk ka të drejtë të kryejë asnjë veprim në shoqërinë "Xhoi", pasuria e vetme që kishte dëshmitari kyç i dosjes "Gërdeci".
Nga ana tjetër e veja kërkon nga gjykata që të shlyejë edhe kredinë prej 880 mijë euro që kishte marrë Trebicka, kredi e cila ka mbetur pezull.
Në seancën e sotme gjykatësja Elona Gjoka dëgjoi pretendimet e palëve, ndërsa shtyu procesin për një tjetër datë.
a.j/NOA
