Tiranë, 8 prill, NOA - Kryesocialisti Edi Rama ka reaguar sot pas deklaratave të Fondit Monetar Ndërkombëtar për krizën ekonomike.
Rama akuzoi qeverinë shqiptare dhe kryeministrin Berisha për thellimin e kësaj krize në vendin tonë. Sipas tij, kambanat e FMN-së ishin për qeverinë.
Ai tha se FMN, Â deklaroi rritje ekonomike 0 për Shqipërinë. Ai i bëri thirrje kryeministrit Berisha "të mos e çojë vendin në qorrsokak, por të dëgjojë FMN e Bankën Botërore."
Rama theksoi se nga kriza ekonomike po thellohet çdo javë më shumë e çdo ditë më shumë po ulet fuqia blerëse e familjeve shqiptare, gjithashtu po rritet numri i të papunëve e si pasojë i të varfërve.
Z.Rama nënvizoi se qeveria po vendos taksa abuzive për bizneset dhe paga reference.
Kryesocialisti Rama akuzoi qeverinë Berisha për pasojat e rënda të krizës ekonomike e sociale. Sipas tij , qeveria mohon krizën për efekt elektoral.
"Kthimi i buxhetit në realitet është i domosdoshëm, të mos shihet si një thes ku futen duart për shpenzim elektoral, por si pasuri e përbashkët që të përdoret me shumë kujdes. Qeveria duhet ta pranojë krizën e të marrë masa për përballimin e saj. E domosdoshme është të mos thellohet borxhi"- tha Rama gjatë konferencës për mediat.
s.v/NOA
