Tiranë, 11 prill, NOA - Dita e sotme shënon një hap të rëndësishëm në ecurinë e Superligës drejt përzgjedhjes së skuadrës më të mirë vendase të futbollit.
Sipas të dhënave për agjencinë e Lajmeve NOA, sot parashikohet që të luhen dy ndeshje të rëndësishme, ku e para zhvillohet në kryeqytet mes ekipit të Tiranës dhe Elbasanit, ndërsa Vllaznia në Shkodër do të presë lojtarët e Partizanit.
Ndërkohë që ekipi i Dinamos luan sot një takim jo më pak sfidues me atë të Teutës.
Bëhet e ditur ndër të tjera se në pushimin midis pjesëve mes Tiranës dhe Elbasanit, Â në stadium do të zhvillohet edhe një ceremoni me peshëngritësin Erkand Qerimaj, i cili sapo është shpallur nënkampion Evrope në Rumani për peshat e shtytjes.
Por të mos harrojmë se jo më pak të forta do të jenë edhe sfidat e takimeve të tjera si ajo e Lushnjës me Apoloninë, apo ajo ku Bylisi do të ndeshet me vlonjatet e Flamurtarit.
n.e/NOA
