Prishtinë, 13 prill, NOA - Lartmadhëria e Tij Leka Zogu I, ka shkuar për vizitë disa ditore në Kosovë i shoqëruar edhe nga Princi Leka II, në krye të një delegacioni të nivelit të lartë të Oborrit Mbretëror Shqiptar.
Duke i quajtur si dy gishtërinj të një dore Kosovën dhe Shqipërinë, Mbreti i Shqiptarëve Leka i Parë ka thënë se anëtarësimi i Shqipërisë në NATO-s dhe pavarësia e Kosovës janë dy veprat më të mëdha.
Në vizitën e tij të parë pas shpalljes së pavarësisë në Kosovë, ai tha se integrimi në mes të këtyre dy shteteve do të bëhet me anë të interesit të tregtisë, si dhe në mes të lidhjeve shoqërore edhe vëllazërore që kemi. Lartmadhëria e tij, Leka i Parë, ka shprehur besimin se edhe Kosova do të hyjë në NATO, e sipas tij edhe në Bashkimin Evropian dhe në këtë mënyrë Kosova dhe Shqipëria automatikisht janë të bashkuara. Ai ka bërë homazhe te varri i ish-presidentit Rugova dhe ka vizituar familjen e tij, ndërsa gjatë ditës do të bëjë homazhe te varri i komandantit legjendar Adem Jashari në Prekaz dhe te varrezat e dëshmorëve në Glloaxhan. Të martën Kuvendi Komunal i Vitisë e shpall atë qytetar nderi.
Ndërkaq, pretendenti i fronit mbretëror Leka Zogu, ka thënë se integrimi në mes të Shqipërisë dhe Kosovës do të bëhet përmes rrugëve tregtare, por edhe lidhjeve vëllazërore.
Ai ka thënë dje në Prishtinë pretendenti i fronit mbretëror Leka Zogu. Ai ka theksuar se Kosova dhe Shqipëria janë të ndara vetëm me një vizë në hartë, që në të vërtetë nuk paraqet ndarje.
NOA
