Prishtinë, 14 prill, NOA - Moszbatimi i ligjit për vlerat e luftës i ka shtyrë ish-ushtarët e Ushtrisë Çlirimtare të Kosovës që të nisin një grevë kundër qeverisë aktuale të vendit të tyre.
Të drejtuar nga Këshilli për Mbrojtjen e të Drejtave të luftëtarëve të UÇK-së, ata
shprehen këmbëngulës se qeveria më në fund duhet të nisë t'i respektojë dhe t'i mbrojë ligjërisht vlerat e luftës.
Bëhet e ditur se ata zhvilluan edhe një takim me kryeministrin Hashim Thaçi, por nuk kanë arritur dot në një marrëveshje konkrete e cila do t'i shtynte në ndërprerjen e grevës. Sipas tyre, durimi i ish-luftëtarëve të UÇK-së dhe të familjarëve të tyre u ka ardhur fundi. Ata thonë se deri me tani janë injoruar nga ana e institucioneve të vendit të cilat nuk kanë bërë pothuaj asgjë për ngritjen e mirëqenies së tyre. n.e/NOA
