Fushë Krujë, 18 Prill - Një sasi lënde plasëse është vendosur në mjediset e fabrikës së çimentos në Fushë Krujë, me pasojë shpërthimin dhe shkaktimin e dëmeve materiale.
Burime në vendngjarje, i thanë korrespondentit të agjencisë së lajmeve NOA se ngjarja ka ndodhur në orën 02.30 të mëngjesit të sotëm (E Shtunë).
Në një nga vend-rojet e shërbimit të ruajtjes dhe sigurisë së fabrikës private, ishte vendosur sasi lënde eksplozive e cila shpërtheu.
Fatmirësisht në vendroje nuk ndodhej për momentin njeri, duke shmangur ndonjë vdekje të mundshme.
Gjithsesi, dëme materiale u regjistruan duke shkatërruar plotësisht vendrojën dhe përfshirë në shpërthim edhe mjedise të tjera përreth.
Në vendngjarje ka shkuar policia e cila tha se po heton për të zbardhur ngjarjen. Nga hetimet e para del se është përdorur vetëm një sasi e vogël lënde eksplozive, por nuk konfirmohet lloji i saj. Policia tha se po punohet për identifikimin dhe kapjen e autorëve.
a.a/NOA
