Pogradec, 18 Prill NOA Lajm dhe foto Update - Ngjarja tronditëse që ka shokuar qytetin buzë liqenit, pasi një djalë në moshë 25 vjeç, i dënuar më parë për përdhunim, ka abuzuar seksualisht me një vajzë vetëm 11 vjeçare, precipitonte prej më shumë se një viti.
Burime zyrtare nga policia e Korçës, i konfirmuan agjencisë NOA se autor i dyshuar i krimit është 25-vjeçari Stavri Thana lindur dhe banues në lagjen nr 4 të qytetit Pogradec.
Drejtori i Policisë së Korçës, Emri Vata, konfirmoi se viktimë e abuzimit seksual është një vajzë 11 vjeçare nga i njëjti vendbanim, lagjja nr 4 në Pogradec.
Megjithëse ka qëndruar për një periudhë të gjatë kohe në qeli për abuzime seksuale me të mitur, Stavri Thana duket se nuk ka hequr dorë nga epshet seksuale që e rrezikonin ta dërgonin sërish në qeli.
Më shumë se një vit më parë, në muajin shkurt të vitit 2008, 25-vjeçari ka gjetur dhe "partneren" e tij e cila ishte një vajzë e vogël, i thanë agjencisë NOA, burime nga grupi hetimor.
Fillimisht dyshohet se Thana ka përdorur mashtrimin për ta dërguar në banesën e tij vajzën e cila ishte vetëm 10-vjeç ku ka kryer veprime të turpshme me të.
Në polici e mitura ka deklaruar se djali e kishte kërcënuar që ajo të mos tregonte.
Ai e çonte atë në shtëpinë e tij, sistematikisht dhe abuzonte seksualisht.
Për më shumë se një vit e mitura ka duruar përdhunimet e 25-vjeçarit, ndërsa i ka dhënë fund torturës një ditë më parë.
Vajza bashkë me prindërit dhe në prani të psikologëve është marrë në pyetje nga oficerët e policisë kriminale të policisë.
Dëshmia rrëqethëse e 11-vjeçares, ka çuar në qeli 25-vjeçarin vetëm pak orë më pas, nën akuzën paraprake të "veprave të turpshme".
Burime nga policia thanë se po vazhdojnë hetimet për të zbardhur me saktësi strategjinë e përdorur nga 25-vjeçari për të çuar vajzën e vogël në banesën e tij për më shume se një vit dhe rrethanat që detyruan të miturën të mbante "gojën e mbyllur" për të mos rrëfyer torturat.
k.k/NOA
