Uashington, 20 prill, NOA - Miss Karolina e Veriut ka mundur që të zgjidhet edhe si femra më e bukur e gjithë Shteteve të Bashkuara të Amerikës.
Bjondja Kristen Dalton ka arritur të fitojë çmimin e madh për këtë vit, duke mundur në garë 50 vajzat e tjera të bukurisë që merrnin pjesë në garën e madhe.
Ceremonia madhështore u prezantua nga një televizion i një kazinoje në Las Vegas.
Bëhet e ditur se 22-vjeçarja Kristen Dalton ka kaluar në garë rivalen e saj kryesore, e cila ishte Miss Kalifornia, Carrie Prejean dhe pas saj, një tjetër rivale të fortë në garën e bukurisë siç ishte Miss Arizona.
Në kundërshtim me konkursin rival që quhet "Miss Amerika", ai i "Miss USA"nuk kërkon që vajzat të kenë ndonjë talent të veçantë.
Fitueses i jepet një apartament në Nju Jork, një bursë studimi dy-vjeçar në akademinë e filmit në Nju-Jork, si edhe një kompensim financiar të caktuar.
n.e/NOA
