Uashington, 20 prill, NOA - Një tjetër hap i rëndësishëm drejt myslimanëve iu shtua presidentit të ri të Amerikës Barak Obama, i cili emëroi në Shtëpinë e Bardhë një zonjë të mbuluar si këshilltare dhe përfaqësuese e myslimanëve.
Sipas agjencisë së Lajmeve TimeTurk, Obama i cili gjatë vizitës së tij në Turqi u bë objekt i reagimeve të të djathtëve radikalë amerikanë me vizitat e tij në xhami, tani merr në Shtëpinë e Bardhë edhe një zonjë të mbuluar.
Ai zgjodhi Dalja Muxhahid për të përfaqësuar myslimanët në komisionin e veçantë të këshillimit të feve vendimin në lidhje me të cilin ai e ka firmosur për të dhënë informacione rreth feve dhe çfarë zgjidhjesh mund të sjellin fetë në zgjidhjen e problemeve sociale të shoqërisë. Arsyeja që zonja Muxhahid, e cila është kryetare e qendrës studimore Gallup që bën studime për myslimanët në mbarë botën, është vënë në këtë detyrë, është besimi se përvojat e saj dhe studimet e bëra lidhur me myslimanët, do të sjellin dobi në këtë drejtim.
Muxhahid në këtë detyrë do t'i përcjellë Obamës mendimet dhe idetë e myslimanëve si dhe ç'presin ata nga Amerika.
NOA-INA
