Tiranë, 23 prill NOA - Jaho Mulosmani i dënuar si një nga autorët e vrasjes së deputetit Azem Hajdari, do të rigjykohet sërish në Gjykatën e Rrethit Tiranë.
Gjykata e Larta ka rikthyer për rigjykim çështjen e vrasjes së Bislim Hyka dhe Isuf Bashkurti, ngjarje kjo e ndodhur në vitin 1999 në qytetin e Tropojës.
Dosja mban numrin 1179 dhe
është hedhur sot në shortin elektronik, ku i ka rënë për gjykim gjyqtarit Petrit Çomo.
Ky i fundit do të vendosë edhe datën e parë të seancës gjyqësore.
Mulosmani është dënuar me burgim përjetë nga ana e dy shkallëve të gjyqësorit për vrasjen e dy patriotëve të tij.
Sipas arsyetimit të vendimit të dhënë nga ana e Gjykatës së Lartë, në procesin gjyqësor në ngarkim të tij ishin vërejtur shkelje procedurale.
e.l/NOA
