Lushnjë, 24 prill NOA - Kryetarja e Komisionit të Edukimit në Asamblenë Kombëtare të PS, Ledi Shamku ka qenë sot në Lushnjë, për të parë nga afër mbylljen e shkollave njëra pas tjetrës për shkak të mitingut që do të zhvillonte aje kryetarja e Kuvendit.
Në orën 11.30 të gjitha shkollat e qytetit të Lushnjës dhe periferisë ishin të mbyllura për të qenë pjesë në mitingun elektoral të kryetares së Kuvendit
Ledi Shamku denoncoi sërish përdorimin nga ana e qeverisë të fëmijëve të shkollave në mitingjet elektorale të Partisë Demokratike.
"E kemi denoncuar edhe më parë, ndërkohë që edhe mediat e pavarura, Avokati i Popullit dhe Shoqata për mbrojtjen e fëmijëve e kanë denoncuar keqpërdorimin e fëmijëve në fushatë elektorale", - tha Shamku.
Mesa duket", vijoi Shamku, "ora e edukimit qytetar në shkolla është zëvendësuar prej kohësh në orë të pjesëmarrjes së fëmijëve në mitingjet elektorale të PD-së", tha Shamku.
Sipas saj, kjo orë është vendosur nga kjo qeveri, madje merren dhe mungesa, ndonëse neglizhohen gjithë orët e tjera.
"Tashmë bëhet fjalë për një fenomen, që sa herë që zbresin hierarkët e lartë të PD-së në terren, ora e Shqipërisë ndal! Por në 28 qershor ne do t'i themi ndal këtij fenomeni", shtoi Shamku, e cila pohoi se "pas 28 qershorit do të nisë epoka e re e çlirimit të arsimit nga interesat politikë".
e.l/NOA
