Prishtinë, 24 prill, NOA - Plani 6 pikësh në Kosovë, nuk ekziston dhe as që do të jetë në prioritetet e institucioneve të Kosovës.
Një fakt të tillë e ka deklaruar kryeministri i Kosovës, Hashim Thaçi, i cili ka komentuar deklaratat e shefit të UNMIK-ut, Lamberto Zannieri se disa pika të planit po gjejnë zbatim në Kosovë.
"Ka shumë çështje që duhet zgjidhur në Kosovë dhe se asnjëra nga ato nuk ndërlidhet me planin gjashtë pikësh", - tha kryeministri Thaçi. Ndërkaq, duke e komentuar njohjen nga Arabia Saudite, Thaçi ka thënë se "kjo njohje ishte rezultat i angazhimeve konkrete aktive të diplomacisë së Kosovës dhe i mbështetjes së fuqishme ndërkombëtare". Ai tha ndër të tjera shtoi se "Kosova tani është në proces të vlerësimit të saj për anëtarësim në Fondin Monetar Ndërkombëtar dhe Bankën Botërore".
n.e/NOA
