Tiranë, 28 prill, NOA - Selia rozë deklaron se varfëria, krahasuar me vitin 2005, është shtuar shumë në vendin tonë, sidomos në zonat malore.Një fakt i tillë u vu në dukje nga sekretari i saj për çështjet ekonomike, Ilir Beqja, i cili gjatë një deklarate për shtyp pohoi se rritja e pagave dhe e pensioneve që u ndërmor dje nga qeveria është shumë e vonuar.
"Ajo duhej të kishte ndodhur shumë kohë më parë sepse që prej më shumë se dy vjetësh
fatura e energjisë elektrike është rritur 140 %, buka e përditshme është ritur 140 % dhe litri i vajtit është rritur me 180 %", deklaroi Beqja.
Sipas tij, nën panikun e humbjes së 28 qershorit, kryeministri nuk mundi të fshehë mosmbajtjen e premtimeve dhe mosrealizimin e programit të qeverisë së tij të miratuar në shtator 2005.
"Dje Sali Berisha, pranoi se për të gjithë 280 mijë pensionistët e pleqërisë në qytet nuk arriti të mbajë as gjysmën e premtimit të 2005 për të dyfishuar pensionet në 4 vjet.
Madje për 100 mijë prej tyre nuk arriti të mbajë as 1/3 e premtimit. Për këta pensionistë, rritja në 4 vjet, është rritja më e ulët e pensioneve në 18 vitet e fundit", tha ai ndër të tjera.
Në fund, ai deklaroi se pas 60 ditësh gënjeshtrat do të marrin fund.
"Pas 60 ditësh, shqiptarët do të ndahen nga politika e vjetër e gënjeshtarve dhe e premtimeve që shkruhen në letër e nuk mbahen. Ne do të shpallim minimumin jetik sepse e kemi kurajon që i ka munguar politikës shqiptare në 18 vjet. Në programin e ri qeverisës kemi përcaktuar se si do të luftojmë varfërinë dhe papunësinë dhe se si do të forcojmë kohezionin social", tha Beqja.
n.e/NOA
Â
