Roskovec 3 maj NOA - Kryeministri Sali Berisha deklaroi nga Roskoveci se qeveria do të bëjë çdo gjë që të gjejë autorin apo autorët e vrasjes së deputetit Fatmir Xhindi.
"Ky është një akt i shëmtuar kriminal që ka shqetësuar jo vetëm familjen e tij por mbarë opinionin publik. Deputet me tre legjislatura që gjatë gjithë veprimtarisë së tij ka dëshmuar përkushtim dhe përgjegjësi ndaj detyrës që i kanë besuar qytetarët e Roskovecit" u shpreh kryeministri Berisha pasi vizitoi familjen e deputetit të ndjerë në Roskovec.
"Erdhi për ti shprehur ngushëllimet familjes por erdha edhe për t'i siguruar ata se kjo qeveri do të bëjë çdo gjë për të gjetur dorën e zezë të krimit, autorin apo autorët që qëlluan pas shpine dhe ekzekutuan deputetin Fatmir Xhindi në pragun e derës së shtëpisë së tij. Nuk do të lëmë pistë hetimit, do të mobilizojmë çdo mjet në mënyrë që ta kapim sa më shpejt autorin apo autorët e këtij krimi" shtoi më tej kryeministri Sali Berisha.
k.k/NOA
