Tiranë, 4 maj NOA - Çifti i muzikantëve Inva Mula-Pirro Çako nuk i kanë dhënë ende zgjidhje kërkesës për divorc.
Në seancën e dytë gjyqësore, mesditën e sotme, ka munguar sërish këngëtari Pirro Çako. Në gjykatën e Rrethit të Tiranës, gjatë seancës, u prezantua fakti se në fletëthirrje sqarohej se ishte vënë në dijeni për datën e procesit, fqinja e Pirro Çakos.
Mësohet se pikërisht fqinja e këngëtarit të njohur, kishte firmosur dhe deklaronte se e merrte ajo përsipër lajmërimin e personazhit të njohur të muzikës që të shkonte në sallën e gjyqit më 40 maj.
Por paçka se fqinja e gatshme e ka marrë përsipër këtë mision, duke firmosur letrën e dërguar nga ftuesi i gjykatës së Tiranës, këngëtari është lajmëruar me vonesë.
E kjo ishte një arsye e mjaftueshme qi si ai dhe mbrojtësi i tij sot të mos ishin të pranishëm në sallën e gjyqit.
Sot ishte parashikuar që të dyja palëve t'u jepej mundësia për pajtimin e tyre, e drejtë kjo e cila do t'u parashtrohet në seancën e radhës.
Në rast se çifti nuk do të jetë dakord për bashkimin e tyre atëherë gjykata do kalojë në seancë gjyqësore dhe më pas do të vendosë ndarjen e tyre përfundimisht.
k.k/e.l/NOA
