Tiranë 6 maj NOA - Kryeministri Sali Berisha, njëkohësisht Kryetar i Partisë Demokratike të Shqipërisë nënshkroi sot marrëveshjen elektorale për zgjedhjet e 28 qershorit me kryetarin e Lidhjes  Demokristiane të Shqipërisë (LDK), Nikollë Lesi.
 "Firmosëm këtë marrëveshje me Lidhjen Demokristiane të Shqipërisë, marrëveshje e cila garanton bashkërendimin e të gjitha përpjekjeve për të fituar zgjedhjet e 28 qershorit dhe për të qeverisur së bashku në mandatin e ardhshëm" u shpreh kryeministri gjatë ceremonisë së nënshkrimit të marrëveshjes.
Sipas ti kjo marrëveshje është shumë e rëndësishme sepse pjesë e spektrit politik të mazhorancës ka qenë fillimisht Partia Demokristiane dhe më pas Lidhja Demokristiane. "Me zotin Lesi kemi bërë fushatën e vitit 2005 dhe në fund të mandatit ky i gjen të realizuara më shumë se kushdo tjetër dy kërkesat e tij më madhore, të cilat janë bërë realitet. Sapo jam kthyer nga Thumana ku në 8 vjet ishin investuar 13 milionë lekë, ndërsa në këto 4 vjet 335 milionë lekë. Kjo situatë investimesh është në mbarë vendin" shtoi me tej Berisha.
k.k/NOA
