Gjirokastër, 8 maj, NOA - Një maune është përplasur me një automjet të ngarkuar me bombola gazi në autostradën Gjirokastër-Kakavijë.
Sipas të dhënave për agjencinë e Lajmeve NOA, ngjarja ka ndodhur si pasojë e daljes nga rruga të të dy automjeteve, gjë e cila ka krijuar një amulli dhe bllokim të madh të transportit rrugor në autostradën e jugut të vendit.
Të dhënat paraprake tregojnë se aksidenti ka ndodhur rreth 12 kilometra larg qytetit të Gjirokastrës, pranë fshatit Frashtan.
Sipas policisë, ka qenë shkelja e rregullave të qarkullimit rrugor, ajo që ka shkaktuar  përplasjen e maunes me targa SH 51 53 E, me automjetin tip "Benz" me targa TR 18 74 K, që transportonte bombola gazi.      Policia dhe mjetet e repartit zjarrfikës kanë shkuar me shpejtësi në vendngjarje dhe po punojnë për normalizimin e gjendjes. Aktualisht qarkullimi në këtë segment është i ngadalshëm, ndërkohë që ka filluar operacioni i largimit të bombolave të gazit.
n.e/NOA
