Uashington, 14 maj, NOA - Presidenti amerikan Barak Obama lidhur me publikimin e disa fotove në të cilat tregohen ushtrimi i dhunës së policëev ndaj të burgosurve, ka deklaruar se ato nuk i përkasin periudhës së tre muajve të fundit, pra kohës gjatë së cilës shteti amerikan është drejtuar prej tij.
Ai ka kërkuar mospublikimin e fotove që tregojnë abuzimet me të burgosurit nga ana e ushtarëve amerikanë në Irak dhe Afganistan, duke pohuar se e kundërta, do të mund të shkaktonte reagime të rrezikshme kundër trupave amerikane. "Në fakt, pasoja direkte e publikimit të fotove për ushtrimin e dhunës së abu Graib apo burgjet e tjera, do të ndizte ndjenjat anti-amerikane dhe do të rrezikonte shumë trupat tona. Përveç kësaj, kam frikë se publikimi i mëtejshëm i fotove do të shkaktonte një efekt jo pozitiv mbi hetimet e ardhshme për abuzimet e të burgosurve", mësohet të jetë shprehur ai para se të largohej nga Uashingtoni për një udhëtim dyditor në pjesën jugperëndimore të Amerikës.
Nga ana tjetër, Grupi i të drejtave "Bashkimi Amerikan i të Drejtave Civile" ngriti një padi në vitin 2004 ku kërkohej publikimi i fotove.
Grupi tha muajin e kaluar se Pentagoni kishte rënë dakord të bënte publike këto foto para datës 28 maj.
Drejtori ekzekutiv i organizatps Enthoni Romero tha se ndryshimi i qëndrimit nga ana e Presidentit "bie ndesh vendosmërisë amerikane për transparencë dhe respektim të ligjit". Ndërsa, senatori i pavarur Xho Liberman, thotë se Obama mori vendimin e duhur. "Faleminderit, presidenti Obama. Sot Ju vepruat si Komandant i fortë i Ushtrisë duke mbrojtur interesat e vendit dhe të burrave dhe grave amerikane në uniformë që i shërbejnë Amerikës", i është drejtuar ai.
n.e/NOA
Â
