Durrës, 22 maj, NOA - Forcat e policisë kanë arrestuar në flagrancë 19-vjeçarin Andi Xheka, lindur dhe banues në Tiranë, pasi duke drejtuar automjetin tip Benz veturë me targë TR 0001 L, ka aksidentuar këmbësoren Sherife Bani, banuese në fshatin Tapizë të Krujës, e cila aktualisht ndodhet në gjendje të rëndë për jetën në Spitalin Ushtarak të Tiranës.
Sipas të dhënave për agjencinë e Lajmeve NOA, ngjarja e rëndë ka ndodhur në aksin rrugor Fushë Krujë - Krujë, në afërsi të shkollës 9-vjeçare "Bakushe Visha" Fushë Krujë.
Materialet do t'i kalojnë prokurorisë së Krujës për veprën penale të "Shkeljes së rregullave të qarkullimit rrugor", parashikuar nga neni 290/1 i Kodit Penal.
n.e/NOA
