Dubai, 27 maj, NOA - Një muze i cili dot mbajë sërish emrin e madh të Luvrit, po përgatitet të ndërtohet edhe në Lindjen e Mesme.
Me të njëjtën arkitekturë si muzeu i famshëm i Francës, ai do të ndërtohet buzë detit, mes palmash dhe do të quhet "Luvri i Shkretëtirës".
Guri i parë i themelit për të ndërtuar ngë vepër kaq të madhe, është vënë nga vetë presidenti francez, Nikolas Sarkozi.
Pas shumë debatesh në zhvilluara mes kaheve të politikës në Francë, ky projekt po sheh dritën e zbatimit dhe pritet që të jetë i pari i tillë në Lindjen e Mesme, ku do tgë vendosen mjaft vepra të seleksionuara nga galeritë franceze.
Përfaqësuesit e Emirateve të Bashkuara Arabe sigurojnë se nuk do të ketë asnjë censurim në ngritjen dhe përmbajtjen e këtij muzeu.
Kuadrot, skulpturat apo objektet tradicionale prej porcelani, do të vijnë nga qendra e Pompidusë, muzeu Rodin etj dhe do të ekspozohen në paretet e të ashtuquajturit Luvri arab.
700 milionë euro është shifra që do të investojë Franca në këtë projekt gjigand.
n.e/NOA
