Vlorë, 29 maj NOA - Më shumë se 80 biznese vlonjate që kanë xhiron më të madhe tregtare me Italinë nuk do të kenë nevojë për të vendosur datat e takimeve për pajisje me vizë apo procedura të tjera nëpërmjet Call Centerit të Konsullatës, por do të kenë një zyrë të posaçme pranë këtij institucioni.
Ky fakt është bërë e ditur sot nga konsulli Italian i vendosur në qytetin e Vlorës, Sergio Strozzi në një takim me kryetarin e degës së tatimeve Gent Hamzaraj si dhe atë të dhomës së tregtisë Edmond Leka.
Sipas konsullit Italian Konsullata e Përgjithshme e Italisë në Vlorë në bashkëpunim me Drejtorinë Rajonale të tatimeve dhe dhomën e tregtisë dhe Industrisë Vlorë Â me objektivin e rritjes së marrëdhënieve tregtare mes jugut të Shqipërisë e Italisë dhe Lehtësimit të vizave për sipërmarrësit që tregtojnë më shumë me Italinë është aktivizuar një "Sportel për viza biznesi Shqipëri-Itali".
k.k/NOA
