Durrës, 31 maj NOA - Përplas një kalimtar me makinë arrestohet 48-vjeçari.
Hamit Bakiu 48-vjeç lindur dhe banues në Krujë u arrestua dje sepse në aksin rrugor Fushë Krujë-Tiranë në afërsi të Nikles teksa po udhëtonte me automjeti tip-Audi ka goditur 76-vjeçarin Abdi Asllani lindur në Maqellarë dhe banues në Bulqizë.
I moshuari ishte duke kaluar nga njëra anë e rrugës në tjetrën kur është goditur nga makina tip-Audi me targë KR 0844 A, ngjyrë e bardhë.
Menjëherë pas këtij aksidenti 76-vjeçari Abdi Bakiu është dërguar në Spital Ushtarak nga drejtuesi i mjetit dhe ndodhet për ndihmë mjekësore momentalisht pa rrezik për jetën.
Ndërsa ndaj drejtuesit të mjetit policia rrugore mori masën e arrestit për veprën penale të "Shkeljes së rregullave të qarkullimit rrugor".
k.k/NOA
