Shijak, 2 qershor, NOA - Afrimi i fushatës elektorale për zgjedhjet e 28 qershorit, duket se po shënon edhe incidentet e saj të radhës. Pas atij të shënuar pak ditë më parë në zyrën elektorale të Partisë Socialiste në zonën e Don Boskos, në orët e natës së sotme është shënuar incidenti i dytë për këtë fushatë.
Sipas të dhënave për agjencinë e Lajmeve NOA, në mbrëmjen e djeshme është tentuar të digjet zyra elektorale e Vullnetarëve të Partisë Socialiste në zonën e Xhafzotajt në Shijak.
Burimet policore nga vendngjarja regojnë sesi është tentuar të figjet me benzinë garazhi i kësaj zyre elektorale, por për fat nuk ka patur asnjë të dëmtuar.
Policia ende nuk ka identifikuar autorin e ngjarjes.
Ndërkaq, disa ditë më parë, është thyer me mjete të forta hyrja e një zyre elektorale pranë rrugës "Don Bosko" në kryeqytet.
Sipas punonjësve të kësaj zyre tyre, njësia elektorale është thyer e gjitha me mjete të forta, dhe policia nga ana e saj nuk ka pranuar variantin e ndonjë grabitje me thyerje.
n.e/NOA
