Shijak, 4 qershor NOA - Qëllojnë njëri-tjetrin me armë, shpallen në kërkim dy të rinj.
Ngjarja ndodhi në lagjen "Erzen" në Shijak kur Alfred Calliku 27-vjeç dhe Denis Kolgjini 23-vjeç pas një sherri mes tyre kanë hapur zjarr në drejtim të njëri-tjetrin.
"Në afërsi të Bashkisë dy të rinjtë kanë shkëmbyer zjarr në drejtim të njeri-tjetrit me armë të tipit pistoletë, por pa shkaktuar dëme" thanë për agjencinë e lajmeve NOA, burimet nga policia.
Sipas të njëjta burimeve, nga veprimet e kryera në vendngjarje në cilësinë e provës materiale u sekuestruan gjashte gëzhoja model-54 të kalibrit 7.62 mm, si dhe u morën dëshmitë e personave të pranishëm në ngjarje.
Policia ka shpallur në kërkim dy personat të cilët pasi derdhën plumba mes njëri-tjetrit janë larguar me shpejtësi për tu shpëtuar prangave.
Ata akuzohen për veprat penale të "Kanosjes serioze për vrasje","Prishje të Rendit e Qetësisë Publike" dhe "Mbajtjes pa leje të armëve luftarake".
k.k/NOA
