Korçë, 4 qershor NOA - Një grabitje e ndodhur para pak javësh është zbardhur sot nga policia e Korçës, e cila njoftoi arrestimin e një personi që e cilëson si të dyshuarin e krimit.
Mihal Nikolla, lindur në fshatin Blacë të Pogradecit dhe banues në qytetin e Pogradecit, ishte shpallur në kërkim pasi në bashkëpunim dhe me persona të tjerë, në muajin Maj 2009, ka vjedhur me dhunë një shofer mauneje në unazën e qytetit Pogradec.
Gjatë kësaj grabitjeje, i arrestuari i sotëm dhe "kolegët" e tij, i kanë rrëmbyer viktimës së tyre gjithë çka kishte, 200 euro, një orë dore dhe një aparat celulari.
a.f/NOA
