Elbasan, 5 qershor NOA - Bradasheshi do të ketë shumë shpejt ujë të pijshëm 24 orë, sistem të ri kanalizimesh dhe shkollë moderne.
Premtimi iu është bërë banorëve të zonës, sot nga kandidati për deputet, Ministri i Jashtëm Lulzim Basha.
Ai ka theksuar se qeveria, si deri më sot, do të shohë me prioritet arsimimin dhe punësimin e të rinjve.Â
"Ujësjellësi i Bradasheshit, me një vlerë prej 1.7 miliardë lekësh, për të cilin punimet fillojnë, kanalizimet për ujërat e zeza, asfaltimi dhe ndriçimi me një vlerë prej 2 miliardë lekësh për Katundin e Ri, Shkolla 9-vjeçare e Bradasheshit, të cilën do ta bëjmë nga fillimi me një vlerë prej 860 milionë lekësh, trekatëshe", - theksoi Basha.
Ministri ka përsëritur edhe në këtë takim premtimin se, brenda vitit të parë të mandatit të dytë, të gjithë qytetarët shqiptarë do të mund të lëvizin lirisht nëpër Evropë.
a.k/NOA
