Tiranë, 8 qershor NOA - Presidenti i Republikës Bamir Topi, njëkohësisht kryetar i Këshillit të Lartë të Drejtësisë, dekretoi sot caktimin e kompetencave tokësore të gjykatave të rretheve gjyqësore dhe të qendrës së ushtrimit të veprimtarisë të secilës prej tyre.
Presidenca njoftoi se dekreti, i cili hyn në fuqi më 1 shtator 2009, erdhi në mbështetje të Kushtetutës, me propozim të ministrit të Drejtësisë.
Sakaq, dekreti nr. 5350, datë 11.06.2007 "Për krijimin e rretheve gjyqësore, caktimin e kompetencave tokësore dhe të qendrës së ushtrimit të veprimtarisë së tyre", shfuqizohet kurse për dekretin e rij, ngarkohet që ta zbatojë Ministria e Drejtësisë. Më poshtë vijojnë detajet e dekretit:
Në territorin e Republikës së Shqipërisë, gjykatat e rretheve gjyqësore organizohen në 22 rrethe gjyqësore, me kompetencë tokësore dhe qendra të ushtrimit të veprimtarisë së tyre, si më poshtë: 1. Gjykata e rrethit Berat, me kompetencë tokësore në rrethet Berat, Skrapar e Kuçovë dhe me qendër të ushtrimit të veprimtarisë në qytetin Berat. 2. Gjykata e rrethit Dibër, me kompetencë tokësore në rrethet Bulqizë e Dibër dhe me qendër të ushtrimit të veprimtarisë në qytetin Peshkopi. 3. Gjykata e rrethit Durrës, me kompetencë tokësore në rrethin Durrës dhe me qendër të ushtrimit të veprimtarisë në qytetin e Durrësit. 4. Gjykata e rrethit Elbasan, me kompetencë tokësore në rrethet Elbasan, Gramsh, Librazhd e Peqin dhe me qendër të ushtrimit të veprimtarisë në qytetin Elbasan. 5. Gjykata e rrethit gjyqësor Fier, me kompetencë tokësore në rrethet Fier e Mallakastër dhe me qendër të ushtrimit të veprimtarisë në qytetin Fier. 6. Gjykata e rrethit Gjirokastër, me kompetencë tokësore në rrethet Gjirokastër e Tepelenë dhe me qendër të ushtrimit të veprimtarisë në qytetin Gjirokastër. 7. Gjykata e rrethit Kavajë, me kompetencë tokësore në rrethin Kavajë dhe me qendër të ushtrimit të veprimtarisë në qytetin Kavajë. 8. Gjykata e rrethit Korçë, me kompetencë tokësore në rrethet Devoll, Kolonjë e Korçë dhe me qendër të ushtrimit të veprimtarisë në qytetin Korçë. 9. Gjykata e rrethit Krujë, me kompetencë tokësore në rrethin Krujë dhe me qendër të ushtrimit të veprimtarisë në qytetin Krujë. 10. Gjykata e rrethit Kukës, me kompetencë tokësore në rrethet Kukës e Has dhe me qendër të ushtrimit të veprimtarisë në qytetin Kukës. 11. Gjykata e rrethit Kurbin, me kompetencë tokësore në rrethin Laç dhe me qendër të ushtrimit të veprimtarisë në qytetin Laç. 12. Gjykata e rrethit Lezhë, me kompetencë tokësore në rrethet Lezhë e Mirditë dhe me qendër të ushtrimit të veprimtarisë në qytetin Lezhë. 13. Gjykata e rrethit Lushnje, me kompetencë tokësore në rrethin Lushnje dhe me qendër të ushtrimit të veprimtarisë në qytetin Lushnje. 14. Gjykata e rrethit Mat, me kompetencë tokësore në rrethin Mat dhe me qendër të ushtrimit të veprimtarisë në qytetin Burrel. 15. Gjykata e rrethit Përmet, me kompetencë tokësore në rrethin Përmet e në Bashkinë Leskovik dhe me qendër të ushtrimit të veprimtarisë në qytetin Përmet. 16. Gjykata e rrethit Pogradec, me kompetencë tokësore në rrethin Pogradec dhe me qendër të ushtrimit të veprimtarisë në qytetin Pogradec. 17. Gjykata e rrethit Pukë, me kompetencë tokësore në rrethin Pukë dhe me qendër të ushtrimit të veprimtarisë në qytetin Pukë. 18. Gjykata e rrethit Sarandë, me kompetencë tokësore në rrethet Delvinë e Sarandë dhe me qendër të ushtrimit të veprimtarisë në qytetin Sarandë. 19. Gjykata e rrethit Shkodër, me kompetencë tokësore në rrethet Malësi e Madhe dhe Shkodër dhe me qendër të ushtrimit të veprimtarisë në qytetin Shkodër.
20. Gjykata e rrethit Tiranë, me kompetencë tokësore në rrethin Tiranë dhe me qendër të ushtrimit të veprimtarisë në qytetin Tiranë. 21. Gjykata e rrethit Tropojë, me kompetencë tokësore në rrethin Tropojë dhe me qendër të ushtrimit të veprimtarisë në qytetin Bajram Curri. 22. Gjykata e rrethit Vlorë, me kompetencë tokësore në rrethin Vlorë dhe me qendër të ushtrimit të veprimtarisë në qytetin Vlorë.
Për efekt të zbatimit të këtij dekreti, në rrethin Kolonjë nuk përfshihet Bashkia Leskovik. e./l/NOA
