Shkodër, 10 qershor NOA - Dhimbjeve të forta të stomakut, një 60-vjeçar ka vendosur tu japë fund duke varur veten.
Ngjarja ndodhi dje në lagjen "Ahmet Haxhia" të qytetit të Shkodrës, kur Isuf Mehmetaj 60-vjeç ka varur veten në një pemë frutore në oborrin e banesës së tij.
Familjarët kanë gjetur trupin e tij të varur në litar dhe janë përpjekur ti japin ndihmën e parë por ka qenë e kotë pasi ai kishte ndërruar jetë.
Ndërkohë që për ngjarjen u lajmërua policia e cila mbërriti në vendin e ngjarjes për të zbardhur rrethanat e vetëflijimit.
Burime nga policia thanë për agjencinë e lajmeve NOA se u morën në pyetje familjarët e të ndjerit të cilët deklaruan se prej disa kohësh ai vuante nga dhimbje të forta të stomakut.
Kjo sëmundje dyshohet se ka çuar në një gjendje të padurueshme 60-vjeçarin, i cili duket se ka humbur shpresat të doktorët apo te shërimi i stomakut ndaj dhe ka gjetur si zgjidhje vetëflijimin.
Megjithatë policia po vazhdon hetimet për të zbardhur shkakun e vërtetë të këtij vetëflijimi.
k.k/NOA
