Tiranë, 11 qershor, NOA - Gjatë ditës së sotme do të zhvillohet testimi për matematikën për rreth 40 mijë maturantë në rang vendi.
I përfshirë në kuadrin e Maturës Shtetërore, ky provim pason atë të Letërsisë që u zhvillua pak ditë më parë me maturantët.
Agjencia Qëndrore e Vlerësimit të Arritjeve të Nxënësve (AVA), nga ana e saj, ka bërë të ditur se ky test do të përmbajë 25 pyetje, të cilat do të vlerësohen maksimalisht me 50 pikë.
Është parashikuar që 60 përqind e tezës së provimit do të jetë nga temat tashmë të shpërndara në programet orientuese për lëndët e provimit. Profili i shkollës së mesme do
të specifikojë dhe llojin e testit që maturanti do të plotësojë në ditën e provimit.
Pyetjet e testit do të jenë dy llojesh: me zgjedhje të shumëfishtë dhe me shtjellim të
argumentuar. Me mbylljen e këtij provimi, rregullorja për 2009-n përcakton se kanë të drejtë të kandidojnë për të vazhduar studimet në institucionet e arsimit të lartë publik vetëm nxënësit që vlerësohen kalues në të katër provimet e Maturës Shtetërore.
n.e/NOA
