Tiranë, 12 qershor NOA - Tenton të arratiset drejt Italisë, kapet në aeroportin e Rinasit një 33-vjeçar i kërkuar për trafikim femrash.
Zgalem Beheluli 33-vjeç lindur e banues në Elbasan është arrestuar mbrëmë në aeroportin "Nënë Tereza" pasi gjatë verifikimeve rezultoi se ishte person i shpallur në kërkim nga policia.
Burime zyrtare nga policia e kryeqytetit thanë se 33-vjeçari, po tentonte të kalonte nëpërmjet Pikës së Kalimit Kufitar Rinas për në drejtim të Italisë.
Por pas një verifikimi të imtësishëm, rezultoi se ishte person i shpallur në kërkim.
Sipas policisë, Gjykata e Shkallës së Parë Elbasan më datë 1 mars të vitit 2008, ka vendosur në ngarkim të Beheluli, masën e sigurisë "Arrest në burg" për veprën penale të "Trafikimit të femrave për prostitucion".
k.k/NOA
