Tiranë, 15 qershor NOA - Ditët e fundit ishin shndërruar në një "ferr" për një grua të re në Tiranë, ndaj ajo e ka sosur durimin, duke kërkuar ndihmën e policisë, që ta mbajë larg dajakut të burrit.
Burime zyrtare nga Komisariati i Policisë Nr. 4, konfirmuan sot për agjencinë e lajmeve NOA se kanë plotësuar dje kërkesë-padinë për lëshimin e urdhrit të mbrojtjes së menjëhershme për 31-vjeçaren Benarda T.,
Gruaja e re, banuese në Tiranë, në rrugën "Qemal Stafa", ka pohuar faktin se bashkëshorti i saj 36-vjeçar Alfred Rexhep Tafalla, nga i njëjti vendbanim, ka ushtruar dhunë fizike dhe psikologjike ndaj saj.
Policia, tha se ndërmori masat për ta mbajtur larg gruan e dhunuar nga i shoqi, duke iu referuar ligjit Nr.9669, datë 8 dhjetor 2006 "Për dhunën në familje", kurse materialet i kaluan Gjykatës së Rrethit Gjyqësor Tiranë.
e.l/NOA
