Sarandë, 18 qershor NOA - G99 zhvilloi sot një manifestim në qytetin e Sarandës, ndërkohë që Erion Veliaj zhvilloi disa takime edhe në Ksamil.
Kreu i G99 vizitoi edhe disa familje të varfra në periferinë e Sarandës.
Ndërkohë gjatë takimit të zhvilluar në Kinoteatrin e Sarandës, Veliaj u shpreh se "prej kaq vitesh ne kemi qenë maxhoranca e heshtur, maxhoranca e atyre njerëzve që me aftësinë e tyre shikonin punën e tyre, ata njerëz që mundohen të ecin përpara me ndershmërinë e tyre, që ti arrijnë gjërat me vlerat e tyre. Kurse ata që na kanë qeverisur, vijoi kreu i G99, kanë qenë minoranca e zhurmshme e cila vetëm bën zhurmë, e cila vetëm xhiron gomat, që vetëm bërtet, e që vetëm tund flamujt".
Veliaj u bëri thirrje banorëve të Sarandës të vazhdojnë edhe këtë pjesë të fundit të kësaj gare, sepse sipas tij, situata ka ndryshuar, maxhoranca e heshtur sot po flet dhe sot po kërkon ndryshim. Gjatë këtij takimi ka mbajtur një fjalim edhe kandidati për deputet i G99 në Qarkun e Vlorës, Genc Kojdheli i cili u shpreh se "gara e sotme nuk është një gare e zakonshme, por është një garë kurajoje, një garë për të mundur frikën te të gjithë ata qytetarë që në heshtje kanë vuajtur këto katër vjet të qeverisjes Berisha".
k.k/NOA
