Uashington, 19 qershor, NOA - Formula 1, një nga kampionatet sportive më të ndjekura në botë është duke përjetuar krizën më të madhe të saj gjatë 60 viteve të fundit.
Kjo pasi ky kampionat rrezikon të çahet më dysh me tetë nga 10 ekipet që kanë zbuluar planet e krijimit të një kampionati të ri.
Kanë qenë tetë skuadrat e njohura BMË-Sauber, Braën, Ferrari, McLaren, Red Bull, Renault, Toro Rosso dhe Toyota të cilat kanë bërë tashmë publik vendimin e tyre se nëse FIA nuk pranon kushtet e tyre, ata do të jenë të detyruar ta ndajnë më dysh këtë lloj sporti.
"Ekipet nuk mund të vazhdojnë të komprometojnë vlerat themelore të sportit dhe kanë vendosur të ndryshojnë kushtet për kampionatin botëror 2010. Ekipet nuk kanë asnjë zgjidhje tjetër përveçse të fillojnë përgatitjet për një kampionat të ri, që do të nxjerrë në pah vlerat e pjesëmarrësve dhe partnerëve", thuhet në deklaratën e përbashkët të tyre.
n.e/NOA
