Fier, 24 qershor NOA - LSI ka zhvilluar sot një miting në Fier, ku kreu i kqësaj partie u ka premtuar banorëve se do të nxjerrë Shqipërinë nga kriza ekonomike që sipas tij e ka që e ka futur përsëri i njëjti person, Sali Berisha, ai që e dogji dhe e shkatërroi në 1997.
"Koha ecën dhe ne të gjithë duam që koha të vrapojë se mezi po presim që po afron 28 Qershori për të larguar Sali Berishën, dhe për të sjellë në pushtet LSI-në, dhe të majtën progresiste. Fitoren unë e shoh dhe e ndjej kudo, në të gjithë Shqipërinë. E ndjej aq fuqishëm në Mallakastër, në Gjirokastër, në Përmet, Tepelenë" tha Meta.
"Fitorja e LSI është e vetmja rrugë për të nxjerrë Shqipërinë nga kriza ekonomike që e ka futur përsëri i njëjti person, Sali Berisha, ai që e dogji dhe e shkatërroi në ‘97. Fitorja e LSI është fitorja e programit tonë, është fitorja e "Planit për Veprim" që nxjerr 1 milionë shqiptarë nga varfëria dhe përfaqësojnë programin e vetëm ekonomik, programin e vetëm për punësimin, për uljen e kostos së jetesës për nxjerrjen e bujqësisë nga kriza" deklaroi më tej kreu i LSI-së.
Sipas tij, fitorja e LSI është fitorja e shqiptarëve dhe jo e Fazlliçëve që duan të blejnë këtë vend me korrupsionet dhe të Sali Berishës.
k.k/NOA
