Korçë, 6 korrik NOA- Kapet në qytetin e Korçës me 33 kilogramë kanabis sativa një 21 vjeçar nga Lazarati. Policia e këtij qyteti në bashkëpunim me atë të Gjirokastrës kanë finalizuar operacionin e koduar "Qafa e Qarrit', duke kapur në flagrancë Belul Toton.
I riu 21-vjecar u kap mbrëmjen e djeshme teksa udhëtonte me makinën e tij me targë Gj 60 40 A drejt Kolonjës. Gjatë kontrollit në mjetin e tij u gjetën 2 canta sportive ku ishte fshehur droga e ndarë në 30 pako. Sipas burimeve nga policia dyshohet se destinacioni i transportit ishte shteti fqinj Greqia. m.i/NOA
