Bruksel, 17 korrik, NOA - Ndër 27 vendet e Bashkimit Evropian, vendi që ta "krip" më shumë kokën, është Danimarka, Atje çmimet janë gati sa dyfishi i mesatares që kapin pak a shumë të gjitha vendet anëtare të BE.
Por nuk ndodh një gjë e tillë me Bullgarinë, e cila çmimet i ka gati sa gjysma e mesatares me të cilat përballet përditë një shtetas evropian.
Lajmi bëhet i ditur nga Instituti Evropian i Statistikave, sipas të cilit Danimarka është vendi më i shtrenjtë për jetesë nga 27 anëtaret e Bashkimit Evropian, me çmime që arrijnë 141 për qind më shumë krahasuar me mesataren e BE-së, ndërsa Bullgaria është më e lira me 51 për qind më pak nga mesatarja. Në një hulumtim të tij institucioni për nivelin e jetesës në Bashkimin Evropian, u arrit në përfundimin se krahasimi i çmimeve të mallrave nga konsumimi i gjerë dhe shërbimet në vitin 2008 ka treguar vende si Irlanda, Finlanda, Luksemburgu, Suedia dhe Belgjika janë më të shtrenjtat.
Ndërsa në listën e vendeve evropiane me çmimet më të ulëta, pas Bullgarisë, renditen vendet ish-komuniste nga Evropa Qendrore dhe Lindore, Rumania, Lituania, Polonia dhe Hungaria.
n.e/NOA
Â
