Teheran, 18 korrik, NOA - Katër javë pas shtypjes së protestave, lëvizja opozitare në Iran sërish proteston me forcë të re. Megjithë ndalimin dhjetëra mijëra përkrahës të kandidatit reformator për president Mir Husein Musavi demonstruan në Teheran me rastin e lutjes së të premtes në afërsi të universitetit të kryeqytetit.
Protestuesit thirrën "vdekje diktatorit" duke iu referuar Presidentit Mahmud Ahmadinexhad dhe kërkuan lirimin e opozitarëve që ndodhen në burg. Policia dhe milicët përdorën gaz lotsjellës dhe shkopa gome kundër demonstruesve. Sipas dëshmitarëve në vendngjarje u arrestuan një numër i madh personash.
Kleriku iranian me influencë, ish-presidenti iranian, Akbar Hashemi Rafsanxhani, gjatë lutjes së të premtes tregoi mirëkuptim për kërkesat e demonstruesve. Ai bëri thirrje për një debat të hapur mbi zgjedhjet e kontestuara presidenciale.
n.e/NOA
Â
