Shkup, 20 korrik, NOA - Maqedonia do të dorëzojë sot në Gjykatën Ndërkombëtare të Drejtësisë në Hagë dëshmitë për padinë kundër Greqisë.
Pas çështjes së ligjshmërisë së pavarësisë së ky institucion është duke shqyrtuar, do të marrë në konsideratë tani edhe argumentin e konfliktit që ka lindur mes dy shteteve të tjera ballkanike si Greqia dhe Maqedonia.
E dyta e akuzon të parën për shkelje të një marrëveshjeje të përkohshme dypalëshe të vitit 1995 duke vendosur veton ndaj ftesës së Shkupit për anëtarësim në NATO në samitin e vitit të kaluar të aleancës në Bukuresht. Argumentet me shkrim në Hagë do të dorëzohen nga bashkëpërfaqësuesi i padisë së Maqedonisë, Nikolla Dimitrov.
Ndërsa, sipas afateve të Gjykatës Ndërkombëtare të Drejtësisë, pas parashtrimit të dëshmive të Maqedonisë, Greqia do të ketë gjashtë muaj kohë për dorëzimin e kundërargumenteve të saj. Në nëntor të vitit të kaluar, Maqedonia paditi Greqinë në Gjykatën Ndërkombëtare të Drejtësisë për bllokimin e anëtarësimit të saj në NATO. n.e/NOA
