Shkodër, 20 korrik NOA - Drejtoria e Policisë së Qarkut së Shkodrës ka asgjësuar gjatë orëve të fundit 1960 rrënjë bimë narkotike.
Nga Sektori Kundër Krimit të Organizuar në Drejtorinë e Policisë Qarkut Shkodër në bashkëpunim me Komisariatin e Policisë Shkodër dhe Komisariatin e Malësisë së Madhe dhe Repartin 713 të F.N.SH-se, u organizua një operacioni me qëllim identifikimin dhe asgjësimin e bimëve narkotikeve në orët e para të mëngjesit, në zonat e Komunës Gur i Zi, Shkodër, dhe Fshatin Boge Komuna Shkrel rrethi Malësisë së Madhe.
Burime nga policia thanë se u bë i mundur, identifikimi dhe asgjësimi i gjithsej 1960 rrënjë, bime narkotike cannabis sattiva, ku
në vendin e Quajtur "Bregu i Tanës" të fshati Boge, rrethi Malësia e Madhe, në vend të shpyllëzuar dhe pa pronar të ligjeshëm, u gjetën 1 parcele me 365 rrënjë, bime me karakteristika të ngjashme me ato të cannabis sattiva.
Në vendin e quajtur "Meshkall" të fshatit Mazrek, Komuna Gur i Zi, Shkodër, në vend të shpyllëzuar dhe pa pronar të ligjshëm, u gjetën 2 parcela me 215 rrënjë, bimë me karakteristika të ngjashme me ato të cannabis sattiva.
Në vendin e quajtur ‘Shpor", të fshatit Mazrek, Komuna Gur i Zi, Shkoder, në vend të shpyllëzuar dhe pa pronar të ligjshëm, u gjeten 1 parcele me 70 rrënjë, bimë.
Në vendin e quajtur "Maja e Qerpikut" të fshatit Mazrek, Komuna Gur i Zi, Shkodër, në vend të shpyllëzuar dhe pa pronar të ligjshëm, u gjetën 3 parcela me 700  rrënjë, bimë me karakteristika të ngjashme me ato të cannabis sattiva.
Në vendin e quajtur "Terti" në vend të shpyllëzuar dhe pa pronar të ligjshëm, u gjetën 7 parcela me 610 rrënjë.
Policia kreu asgjësimin e bimëve me anë të djegies me zjarr i gjithsej 1960 rrënjëve.
k.k/NOA
