Berlin, 24 korrik, NOA - Ka përfunduar lufta për pushtet mes dy koncerneve të automobilëve Voslvagen dhe Porsche, pasi këshilli mbikqyrës i Volksvagenit vendosi për të dy.
Shefi i deritanishëm i Porsche, Vendelin Viedeking foli për pasojat dhe tërheqjen e tij nga kryesia e këtij koncerni. Ai do të marrë 50 milionë euro dëmshpërblim.
Porsche tani do të integrohet deri në 2011 si marka e dhjetë në koncernin e Volsvagenit, por do të mbetet sipërmarrje e pavarur.
Porsche aktualisht ka 51% të aksioneve të Volkswagenit. Familjet Porsche dhe Piech janë pronaret e koncernit. Gjithashtu pas landit të Saksonisë së Poshtme, Emirati i Katarit është aksioneri i tretë më i ri i Volksvagenit me pesë miliardë euro.
Këshilli mbikqyrës i Porsches bëri të ditur, se pasuesi i Viedeking-ut do të jetë Michael Macht nga kryesia e prodhimit. Modalitetet e sakta të shkrirjes së dy sipërmarrjeve do të përpilohen deri më 13 gusht, tha shefi i kryesisë së Volksvagenit, Martin Winterkorn
n.e/NOA
