Tiranë, 25 korrik NOA - Organizata Botërore e Shëndetësisë dyshon se virusi H1N1 i gripit të derrave mund të prekë rreth 2 miliardë vetë gjatë dy vjetëve të ardhshëm.
Sipas Organizatës Botërore të Shëndetësisë, gripi i derrave mund të prekë një në tre veta në të gjithë botën.
"OBSH-ja ka njoftuar deri tani vetëm raste të konfirmuara në laborator, por ato janë vetëm një fraksion i numrit të përgjithshëm i infektuarve nga gripi i derrave" tha një zyrtar i lartë OBSH-së.
Sipas një raporti OBSH-së, gripi i derrave është përhapur në pothuajse gjithë vendet e botës, duke shkaktuar 800 të vdekur që nga muaji prill. Vetëm në Amerikë mund të preket 40 për qind e popullsisë nga gripi i derrave gjatë dy viteve të ardhshme. k.k/NOA
