Prishtinë, 27 Korrik NOA - Agjencia Shqiptare e Lajmeve NOA vjen me surpriza të reja për lexuesit shqiptarë në mbarë botën.
Pas pak ditësh, në kryeqytetin e Republikës së Kosovës, Prishtinë, çelet zyra e agjencisë NOA për shqiptarët përtej kufirit.
Zyra të tilla pritet të çelen edhe në Shkup, Athinë, Bruksel, si dhe në Veriun e Italisë.
Zyra e Prishtinës do të ketë një dhomë lajmesh për të thithur atje gjatë 24 orëshit të çdo dite, informacionin më të fundit për zhvillimet politike, ekonomike, sociale, aktualitetit, kulturës, sportit, etj.
Duke nisur nga kjo javë, një nënfaqe e re e NOA, do t'i kushtohet posaçërisht lajmeve nga Kosova, si dhe opinioneve që lidhen me aktualitetin e shqiptarëve të Republikës së Kosovës.
Agjencia NOA gjen rastin të falënderojë një numër të konsiderueshëm shqiptarësh të Kosovës, të cilët përmes e-maileve, telefonatave dhe letrave, kanë shprehur kërkesën për të realizuar këtë projekt dhe siguron se ai do të zgjerohet gjithnjë e më shumë, në ditët në vazhdim.
Klikoni këtu, për të gjitha lajmet nga Kosova
/e.l/NOA/
