Tiranë, 29 korrik NOA-Bashkimi i Dhomave të Tregtisë dhe Industrisë së Shqipërisë kërkon që Kontrolli i Lartë i Shtetit të mos kontrollojë bizneset duke e cilësuar këtë një shkelje të hapur të ligjit.
Në një deklaratë për shtyp, ata denoncojnë mbajtjen e 105 proces-verbaleve të cilat kanë ccuar në penalizimin e padrejtë të biznesit, për detyrime gjatë viteve 2005, 2006, 2007 dhe 2008.
"KLSH nuk mund të ndërhyjë për penalizimin e biznesit dhe që këtej, asnjë përfaqësues i KLSH apo Auditit të Brendshem nuk ka të drejte të vendosë, të ndryshojë apo të heqë, detyrimet tatimore ndaj tatimpaguesve", thuhet në deklaratë.
 Sipas Bashkimit të Dhomave të Tregtisë dhe Industrisë, penalizimi i biznesit nga ana e KLSH, aq më tepër në kohë krize, po shkakton kosto të panevojshme tek biznesi, ndërkohe që këto detyrime janë paguar.
m.i/NOA
