Prishtinë, 29 korrik NOA - Në vendin tonë po qëndron një delegacion i parlamentarëve dhe akademikëve nga tri vende arabe: Gamal Zahran-deputet në Parlamentin Egjiptian, Alaa Makki Abdul-Razzak-deputet në Parlamentin Irakian, Mohammad Alrataëi-drejtor i Qendrës AL-Quad dhe Muhamed Mufaku-profesor në Universitetin e Jordanisë.
Delegacioni arab sot ka pasur takime me Kryeparlamentarin e Republikës së Kosovës, Jakup Krasniqi, Komisionin për Punë të Jashtme të Kuvendit të Kosovës si dhe disa politikanë dhe pjesëtar të shoqërisë civile në Kosovë, nesër ky delegacion do të pritet nga zëvendëskryeministri i Republikës së Kosovës, Hajredin Kuçi.
Delegacioni i parlamentarëve nga Jordania, Egjipti dhe Iraku, janë shprehur optimist se delegacione parlamentare dhe qeveritare të Kosovës shumë shpejtë do të jenë mysafirë në Kajro, Bagdat, Aman, e në kryeqytete të tjera arabe.
h.i/NOA
