Tiranë, 30 korrik, NOA - Eshtë mbyllur projekti i strategjisë së Bashkimit Evropian për emigracionin në Shqipëri, me një ceremoni të posaçme, në të cilën ka qenë i pranishëm edhe Garrido Ruz, i ngarkuari me punë i KE.
Gjatë ceremonisë në fjalë, ai ka folur mbi gjendjen aktuale dhe statistikat e kauzës së migracionit në vendin tonë, sipas të cilit Shqipëria duhet të bëjë ende përpjekje të vazhdueshme për migracionin e ligjshëm.
"Por duhen burime financiare për migracionin", ka thënë më pas ai, duke shtuar në fjalën e rastit edhe idenë se ka një lidhje të qartë mes vizave dhe migracionit.
Prandaj qeveria shqiptare duhet të përmbushë të gjitha detyrimet e vëna ndaj saj nga Komisioni Evropian, në mënyrë që të përfitojë sa më parë nga heqja e vizave me Bashkimin Evropian.
n.e/NOA -Komentoni lajmin e ditës në fund të shkrimit / Klikoni këtu, për rregullat e përdorimit
