Phenian, 4 gusht, NOA - Ish-presidenti amerikan, Bill Klinton, ka ndërmarrë një mision diplomatik në Korenë e Veriut, për të negociuar me autoritetet e këtij vendi mbi fatin e gazetarëve amerikane të burgosura, Laura Ling dhe Euna Lee, të cilat janë dënuar me 12 vjet punë të detyruar.
Sipas autoriteteve koreane, dy gazetaret amerikane mendohet se kanë hyrë në Korenë e Veriut në mënyrë të paligjshme nga Kina në muajin mars dhe u cilësuan "fajtore për veprime armiqësore". Ato ishin duke bërë kërkime për historinë e refugjatëve në momentin kur u arrestuan.
Nga ana e saj, sekretarja e Shtetit, Hillary Clinton tha se shpresonte që Pheniani do t'u jepte amnisti gazetareve.
n.e/NOA
