Durrës, 7 gusht NOA/UPDATE - Fatos Xhani 38-vjeç efektiv i operacioneve speciale është një nga policët e vrarë nga dora e njeriut më të njohur në botën e krimit në Shqipëri, Dritan Dajti.
Ndërsa janë edhe tre policisë të vrarë emrat e të cilëve ende nuk janë bërë publike.
Mësohet se edhe dy persona të tjerë ndodhen në vdekje klinike, si dhe disa të plagosur në radhët e civilëve.
Duket se ‘koka' e Dritan Dajtit ka sjellë një masakër të vërtetë, bilanci i të cilit ende nuk dihet saktësisht ndërsa mendohet se mund të jetë i frikshëm.
Të paktën 5 të vrarë mes tyre katër policë dhe një i plagosur, dhe si gjashtë dëshmitarë të plagosur apo edhe vetë plagosja e shkaktarit të tragjedisë, është rrjedhoja e një operacioni i cili u mobilizua të çonte në qeli njeriun më të frikshëm nga policia.
Arrestimi i Dritan Dajtit, do të ishte një sukses i punonjësve të policisë, por e gjitha kjo u krye me gjakderdhje.
Dajti konsiderohej një person i rrezikshëm nga policia, ai u skedua prej saj qysh në vitin 1999 kur emri i tij u lakua si vrasësi i biznesmenit Beqir Beqaj.
Në atë kohë ai u arrestua shumë "lehtë" por edhe shumë lehtë ai mundi të fitonte sërish lirinë.
Me anë të një motori dhe me mbështetjen e një personi sfidoi policinë duke u larguar nga Gjykata teksa pritej seanca gjyqësore në ngarkim të tij.
Ndërkohë që masakra e sotme ka krijuar panik te pushuesit e shumtë në plazhin e Durrësit pranë kompleksit ku ndodhi ngjarja.
Në vendngjarja kanë shkuar drejtuesit më të lartë të dikasterit blu.
k.k/NOA
