Shkup, 9 gusht NOA - Nënë e bijë kanë humbur jetën pasi automjeti me të cilën po udhëtonin është përfshirë nga flakët e zjarrit.
Ngjarja e rëndë ndodhi dje në rrugën Shkup-Gjevgjeli pas një aksidentit rrugor.
Sipas policisë së Shkupit, automjeti drejtohej nga shtetasi N.I. i cili pas aksidentit ka arritur të dalë nga makina, por bashkëshortja e tij Dragana dhe vajza Isidora janë djegur në automjet.
Ato nuk kanë mundur të dalin nga automjet duke gjetur vdekjen pasi u dogjën nga flakët që kishin përfshirë automjetin.
Trupat e tyre të pajetë janë dorëzuar për autopsi në Institutin për mjekësi gjyqësore në Shkup.
Sipas policisë drejtuesi i mjetit ka marrë lëndime të lehta dhe pas ndihmës së dhënë mjekësore në Qendrën mjekësore në Gjevgjeli është transferuar për mjekim në Spitalin e qytetit në Shkup.
Policia nisi hetimet për të zbardhur rrethanat e aksidentit të rëndë që i mori jetën nënë e bijë.
k.k/NOA
