Tiranë, 11 gusht NOA - Zhvillohet ceremonia e nisjes së kontingjentit paqeruajtës shtesë në Afganistan.
Ceremonia u zhvillua pasditen e sotme në Regjimentin Komando në Zall-Herr.
Në këtë ceremoni ishte i pranishëm Kryeministri, Sali Berisha, ministri i Mbrojtjes, Gazmend Oketa, shefi i Shtabit të Përgjithshëm gjeneral brigade Maksim Malaj, si dhe të ftuar nga Ambasada Amerikane në Tiranë, autoritete të pushtetit lokal, familjarë dhe të afërm të paqeruajtësve etj.
Kryeministri Berisha mbajti një fjalim ku kurajoi trupat paqeruajtës për misionin që do të marrin.
"Ju shkoni atje që të kontribuoni që afganët të mos flasin me armë, por të flasin me votë për të ardhmen e tyre" u shpreh kryeministri.
k.k/NOA
