Mirditë, 12 gusht NOA - Një 45-vjeçare është përplasur nga një automjet i cili u largua nga vendi i ngjarjes duke mos i dhënë as ndihmën e parë.
Aksidenti ndodhi në superstradën Rrëshen-Kalimash të rrethit Mirditë në vendin e quajtur fshati Mashterkor të komunës Orosh, kur një mjet tip-Benz me targa të huaja, ka përplasur 45-vjeçaren Dava Luka banuese në fshatin Mashterkor.
Mjeti i aksidentit u largua me shpejtësi ndërsa ndihma e parë të dëmtuarës ju dha nga kalimtarët e rastit të cilët e transportuan të drejt spitalit të Rrëshenit nga ku mësohet se ndodhet jashtë rrezikut për jetën.
Policia e cila mbërriti në vendngjarje bëri të ditur se po punohet për identifikimin dhe kapjen e drejtuesit të mjetit.
k.k/NOA
